Цырымонія ўскладання кветак да абеліска ў гонар воінаў-вызваліцеляў, партызан і падпольшчыкаў дала старт святочным мерапрыемствам, прысвечаным Дню Незалежнасці Рэспублікі Беларусь і 78-ай гадавіне вызвалення рэспублікі ад нямецка-фашысцкіх захопнікаў, якія сёння праходзяць у Мар'інай Горцы.
У мерапрыемстве прынялі ўдзел прадстаўнікі раённага выканаўчага камітэта, раённага Савета дэпутатаў, госці свята з Дзмітраўскага раёна Маскоўскай вобласці і Прохараўскага раёна Белгародскай вобласці Расійскай Федэрацыі, ветэраны Вялікай Айчыннай вайны, грамадскіх і рэлігійных арганізацый, сілавых структур, працоўных калектываў.
Удзельнікі цырымоніі ўшанавалі памяць загінуўшых у гады Вялікай Айчыннай вайны хвілінай маўчання.
Сёння кветкі ляглі да падножжа ваенных мемарыялаў на тэрыторыі ўсіх сельсаветаў раёна.
Наталля Пархомчык