Сёлета месцам правядзення абласнога свята «Дзень моладзі і студэнцтва 2022» стаў Парк культуры і адпачынку на беразе Смалявіцка вадасховішча, дзе сабраліся адны з самых актыўных і яркіх прадстаўнікоў маладога пакалення Мінскай вобласці.
Пухавіцкі раён прадстаўлялі калектыў Рудзенскага гарпасялковага дома культуры, цыркавая студыя арт-цэнтра «Яблык», актывісты РК ГА «БРСМ» і члены Маладзёжнага парламента.
Пачатак святу паклала ўрачыстае адкрыццё, дзе ў «Візітнай картцы» бліскучае выкананне цыркавой студыяй арт-цэнтра «Яблык» арыгінальнага нумара з выкарыстаннем монацыклаў, фітболаў і халакопаў проста зацямніла выступленні большасці астатніх каманд.
Адарваць погляд было немагчыма, калі Вікторыя Трапашко, Ніка Гольцава, Вера Голубева, Аліса Гармель і Васіліса Ліцягіна дэманстравалі сапраўдныя цуды акрабатыкі.
Калектыў Рудзенскага гарпасялковага дома культуры арганізаваў інтэрактыўную пляцоўку, дзе госці маглі паглядзець на сярэднявечныя танцы, рыцарскія баі, атрыбуты для вядзьмарства і магіі.
У рамках мерапрыемства таксама праходзіў абласны турнір па футболе, абласны турнір па стрытболе, чэмпіянат Мінскай вобласці па футболе, паказальныя выступленні па вольнай барацьбе, майстар-класы гульні ў вялікі тэніс, ёзе і альпінізме, працавалі спартыўныя лакацыі па міні-гольфе, гарадошным спорце, паказальныя выступленні па лыжаролерах, паказальныя выступленні па шорт-трэку. Госці маглі пагуляць у гіганцкія шахматы, сфатаграфавацца з русалкай, «пазмагацца» ў крыжыкі-нулікі і многае іншае.
Парк культуры і адпачынку на беразе Смілавіцкага вадасховішча, безумоўна, ідэальна падыходзіць для правядзення падобных мерапрыемстваў. Гэта сапраўдная курортная зона з кантактным фантанам, летнім амфітэатрам, магчымасцю арэнды лодак і катамаранаў, альтанкамі, вялікай спартыўнай зонай, дзе кожны зможа знайсці сабе забаўку да спадобы.
Станіслаў Белавусаў.
