Сёння ў Мар'інай Горцы праходзіць Боская літургія ў Кафедральным саборы святога дабравернага князя Аляксандра Неўскага. Яна праходзіць у гонар цудатворнай іконы Божай маці Мар'інагорскай.
Вера ў дапамогу Нябеснай Заступніцы ніколі не згасала ў навакольным насельніцтве. І ў наш час на святкаванне ў гонар цудатворнага Мар'інагорскага абраза з Мінскай вобласці і іншых месцаў Беларусі едуць людзі, якія жадаюць пакланіцца Прасвятой Багародзіцы.
Усе, хто прыходзiць да яе з верай і надзеяй на заступніцтва Царыцы Нябеснай, атрымліваюць добрую дапамогу і суцяшэнне ў жальбах і хваробах.
Мітрапаліт Веніямін павіншаваў архіпастыраў, духавенства і набожных вернікаў, якія прыбылі на ўрачыстасці, са святам і звярнуўся да ўсіх са словам навучання.