Напярэдадні Дня Вялікай Перамогі, у Год гістарычнай памяці ніхто не мог застацца ўбаку. У сувязі з чым, на савеце па развіцці прадпрымальніцтва было ініцыявана, а самае галоўнае падтрымана членамі Савета добраўпарадкаванне воінскіх пахаванняў, брацкіх магіл, мемарыялаў памяці.
Па словах намесніка старшыні Пухавіцкага райвыканкама Наталлі Літвінчук, пры вызначэнні работ стаяла задача па магчымасці захаваць існуючыя надмагіллі.
Індывідуальны прадпрымальнік Руслан Шашок вырабіў работы па атынкоўцы, афарбоўцы агароджаў і рамонце кветачніцы на трох пахаваннях партызан у вёсцы Парэчча.
Індывідуальны прадпрымальнік Алег Андранюк рэканструяваў помнікі на брацкай магіле ўдзельнікаў супраціву ў вёсцы Забалацце і на магіле загінуўшага Васіля Бягуна.
Аляксандрам Жаўнерчыкам праведзена рэканструкцыя помніка, кветачніцы і заменена надмагільная шыльда на брацкай магіле ў вёсцы Талька.
Аляксандр Багдановіч зрабіў замену помніка на брацкай магіле ў вёсцы Капскія.
Сяргей Саплюноў мадэрнізаваў брацкае пахаванне ў вёсцы Каменка.
Заснавальнік ПГУП «КС ХПРЧТАВАРЫ» Сяргей Каранік сумесна са спецыялістамі аддзела эканомікі Пухавіцкага райвыканкама прыняў удзел у акцыі па добраўпарадкаванні помніка ў аграгарадку Блужа. Тут было выканана атынкоўка, афарбоўка і высаджана каля 300 петуній.
Да іх далучыліся Вячаслаў Дзярушка, сям'я Шлык, Аляксандр Вераскоўскі, Анатоль Глаз. За праведзеную працу ўсім прадпрымальнікам ва ўрачыстай абстаноўцы асабіста падзякаваў старшыня Пухавіцкага райвыканкама Віктар Каляда.
Станіслаў Белавусаў.