З віншавальным словам да хлапчукоў і дзяўчынак звярнуўся намеснік начальніка ўпраўлення палкоўнік міліцыі Вадзім Вазнясенскі.
«У першую чаргу хачу падзякаваць ўсяму калектыву навучэнцаў і педагогаў за тое, што дазволілі стаць часцінкай вашага вялікага свята. Усе хлопцы - вялікія малайцы, яны пакарылі кожнага з нас сваімі талентамі і здольнасцямі. Уражанні і шчырыя эмоцыі, якія вы падарылі сёння - неацэнныя. Віншую ўсіх прысутных у гэтай зале і захапляюся вашымі поспехамі. Я ўпэўнены, што ў далейшым яны будуць толькі прымнажацца!» - адзначыў Вадзім Валер'евіч.
Ад імя кіраўніцтва Міністэрства ўнутраных спраў і Дэпартамента аховы ў якасці падарунка Вадзім Валер'евіч уручыў дырэктару ўстановы адукацыі Наталлі Дзiроўскай сертыфікат на будаўнічыя матэрыялы. У сваю чаргу, Наталля Анатольеўна ад імя ўсіх вучняў і выкладчыкаў падзякавала прадстаўнікам міліцэйскага ведамства за аказаную дапамогу.
Аднак на гэтым сюрпрызы не скончыліся... Сваё музычнае віншаванне калектыву ўстановы і яго выхаванцам падарылі дырэктар Цэнтра культурна-выхаваўчай работы абласнога ўпраўлення Наталля Нарэйка і сава Сцеша.
У знак падзякі хлопцы падрыхтавалі для праваахоўнікаў карціну ручной работы і прадэманстравалі падрыхтаваныя творчыя нумары.
Скончылася ўрачыстая лінейка на вельмі вясёлай і эмацыйнай ноце: перад хлапчукамі і дзяўчынкамі выступіў міліцыянер-кінолаг са сваім чацвераногім напарнікам.
