У карціннай галерэі Пухавіцкага раённага краязнаўчага музея праходзіць выстава дзіцячых малюнкаў, якія пабывалі на касмічнай арбіце. У экспазіцыі прадстаўлены фота работ юных грамадзян з Расіі і Беларусі, у тым ліку двух хлопцаў з Пухавіцкага раёна.
Выставу адкрыў суаўтар і сустаршыня міжрэгіянальнага журы конкурсу «Cлаўныя старонкі гісторыі Расійскай Айчыны» Андрэй Сідараў. Ён, дарэчы, звязаны з Пухавіцкім раёнам: Андрэй Вітальевіч - прапраўнук свяшчэннамучаніка Аляксандра Шалая, настаяцеля Свята-Траецкай царквы ў Блоні, рэпрэсаванага ў 1937 годзе. Абраз свяшчэннамучаніка Аляксандра Шалая таксама пабываў на борце МКС.
У адкрыцці выставы прынялі ўдзел старшыня Пухавіцкага раённага Савета дэпутатаў Марыя Клімовіч, начальнік аддзела ідэалагічнай работы, культуры і па справах моладзі Пухавіцкага райвыканкама Алена Адамейка, настаяцель храма святога дабравернага князя Аляксандра Неўскага горада Мар'іна Горка протаіерэй Аляксандр Цалкоў, вайскоўцы вайсковай часткі 89417 і прадстаўнікі грамадскасці.
Яўгенiя Важнік.
