ВІДЭА:

Напачатку сустрэчы маладыя людзі правялі невялікую віктарыну з пытаннямі для ўсіх прысутных: што такое рэферэндум, што такое Канстытуцыя, колькі рэферэндумаў прайшло ў Беларусі. Для таго, хто набраў найбольшую колькасць правiльных адказаў, быў прадугледжаны салодкі прыз. Найбольш палітычна падкаванай аказалася галоўны ўрач ДУ «Пухавіцкі РЦГіЭ» Алена Пархімчык.

Галоўнымі пытаннямі абмеркавання сталі папраўкі аб шлюбе і сям'і, недатыкальнасць Прэзідэнта, абавязак грамадзян прымаць меры па захаванні і ўмацаванні ўласнага здароўя, гісторыя станаўлення канстытуцыйнага ладу.

Ягор Жылук гэтак жа выказаўся пра адзіны дзень галасавання. На яго думку, гэта добра з пункту гледжання эканоміі: увядзенне адзінага дня галасавання для выбараў дэпутатаў Палаты прадстаўнікоў і мясцовых Саветаў дэпутатаў будзе спрыяць скарачэнню фінансавых выдаткаў на правядзенне выбараў. Таксама гэта дасць магчымасць упарадкаваць палітычныя працэсы ў рэспубліцы, кансалідаваць палітычныя сілы для прыняцця ўдзелу ў выбарчым працэсе. Але з іншага боку, гэта можа негатыўна адбіцца на тых кандыдатах у дэпутаты, якія ўпершыню захочуць выбірацца. Па дзеючай Канстытуцыі ў тых кандыдатаў, хто, да прыкладу, не разлічыў свае сілы і адразу вырашыў абірацца ў Палату прадстаўнікоў, і пры гэтым не прайшоў, ёсць магчымасць праз два гады выбрацца ў мясцовы Савет дэпутатаў. У выпадку прыняцця новага праекта Канстытуцыі такая магчымасць з'явіцца толькі праз пяць гадоў.

Алена Пархімчык, у сваю чаргу, спыніла ўвагу на папраўцы, унесенай у артыкул 32 новага праекта Канстытуцыі, дзе паняцце шлюбу будзе замацавана як саюз мужчыны і жанчыны. На яе думку, такое новаўвядзенне дапаможа захаваць галоўныя традыцыйныя каштоўнасці беларускага народа.

- Беларусь - унікальная краіна з самабытнай культурай і традыцыямі — кажа Алена Пархімчык. - І так склалася, што пераважная большасць нашых грамадзян абсалютна не падтрымліваюць і нават выступаюць адкрыта супраць легалізацыі аднаполых шлюбаў. Я цвёрда пераканана, што сям'я - гэта галоўны захавальнік духоўных і маральных каштоўнасцяў. Таму лічу, што дадзеная папраўка вельмі актуальна для большасці беларусаў і накіравана на захаванне маральных ідэалаў нашага грамадства.

Пасля сустрэчы Алена Генадзьеўна правяла невялікую экскурсію для членаў Маладзёжнага парламента па будынку раённага цэнтра гігіены і эпідэміялогіі. Асабліва прыемна прайсці па абноўленым будынку было Ягору Жылуку, які прымаў непасрэдны ўдзел у рэканструкцыі дадзенага збудавання: калісці ён працаваў майстрам у будаўнічай арганізацыі.

Станіслаў Белавусаў.