Быў арганізаваны сумесны аўтапрабег, у якім налічвалася больш дваццаці аўтамабіляў. Злучыўшыся ў адну калону ў Дукоры, удзельнікі адправіліся ў школу-інтэрнат.
- Дзеці павінны адчуваць клопат на працягу ўсяго перыяду сталення — кажа намеснік старшыні РГА «Патрыёты Беларусі» Ганна Харута. - Таму для нашай арганізацыі абсалютна не важна, калі наведваць дзяцей: у свята ці ў выхадныя дні. Мы робім гэта пры любой зручнай магчымасці і пры наяўнасці даступных сродкаў.
— Акцыя «Адзіная Міншчына — сэрца Беларусі» ў чарговы раз аб'яднала нас для добрай справы, — кажа ваенны камісар Пухавіцкага раёна Кірыл Бараноўскі. - Дадзенае мерапрыемства - гэта выдатны напамін пра тых, для каго Новы год з'яўляецца сапраўдным чараўніцтвам - пра нашых дзяцей. Таму мы як дарослыя проста абавязаны захоўваць у дзяцей веру ў навагодні цуд.
Работнікі ДУК «Пухавіцкі раённы цэнтр культуры» падрыхтавалі праграму выступу, у ходзе якой дзеці гулялі з Дзедам Марозам і Снягуркай, танцавалі з Кiкiмарай, вадзілі карагоды з раставымі лялькамі ды іншымі персанажамі.
- Мой персанаж - Снежны чалавек, - кажа Данііл Халецкі. - Дзеці заўсёды вельмі актыўна на яго рэагуюць, спрабуюць пакратаць, і я іх добра разумею, бо ў гэтым касцюме я выглядаю па-сапраўднаму мяккім.
У акцыі ўжо другі раз прыняў удзел РУП «Мінскаўтадар-Цэнтр».
— Такія акцыі — сапраўдны прыклад клопату аб дзецях, якім ўвага з боку грамадства неабходна больш за ўсё, — кажа начальнік планавага аддзела Вольга Курыльчык. - Бо гэта зусім не складана: надаць трохі часу і сіл, каб зрабіць хоць на ледзь-ледзь шчаслівей дзяцей напярэдадні навагодніх свят.
У канцы мерапрыемства ўсім дзецям былі ўручаны падарункі і прызы.
Станіслаў Белавусаў.