Сёння Дзмітрый Бякасаў і Аляксей Грыц - яфрэйтары тэрміновай службы, якія праходзяць яе на пагранзаставе Гомельскай пагранічнай групы. Прайшло амаль паўтара года з моманту, калі маладыя байцы прынялі прысягу.
Прыемна гаварыць аб тым, як людзі вырастаюць і ў асабістым стаўленні, і ў прафесійным. Дзмітрый і Аляксей трапілі служыць у органы пагранічнай службы і на сваім прыкладзе даказалі, што выпадковых людзей на мяжы не бывае. Яны сталі прафесіяналамі ў сваіх пасадах, падтрымліваюць слаўныя традыцыі, закладзеныя многімі пакаленнямі пагранiчнікаў, вучаць маладых.
Хлопцы заўсёды выконвалі свае абавязкі па ахове дзяржаўнай мяжы сумленна і без нараканняў. Яны скарысталіся магчымасцю выпрабаваць і праявіць сябе, узмужнець, стаць сапраўднымі мужчынамі - абаронцамі краіны.
Дзмітрый Бякасаў з першых дзён сваёй службы зарэкамендаваў сябе сумленным, дысцыплінаваным, працавітым, сціплым салдатам, яго адрозніваюць мэтанакіраванасць, добрасумленнасць, прафесіяналізм. Аляксей Грыц - выдатны таварыш, які карыстаецца заслужаным аўтарытэтам на пагранiчнай заставе.
Нашы словы падзякі - бацькам Дзмітрыя: Аксане Міхайлаўне і Сяргею Леанідавічу, а таксама маці Аляксея - Вользе Уладзіміраўне - за выхаванне сыноў сапраўднымі патрыётамі Радзімы. Выказваю ім сваю камандзірскую падзяку за якасную падрыхтоўку сыноў да ваеннай службы на карысць нашай краіны.
