За 9 месяцаў бягучага года супрацоўнікамі ДАІ Мінскай вобласці выяўлена 2567 фактаў кіравання транспартным сродкам у нецвярозым выглядзе, канфіскавана з праезнай часткі 5562 нецвярозых пешахода.
Па віне нецвярозых кіроўцаў здзейснена 38 дарожна-транспартных здарэнняў, у якіх загінулі 13 чалавек. Па віне пешаходаў адбылося 51 ДТЗ, у выніку якіх 22 чалавекі загінулі і 31 - атрымаў траўмы, прычым з агульнай колькасці вінаватых пешаходаў – 23 знаходзіліся ў стане ап'янення.
Таксама за пазначаны перыяд здзейснена 604 ДТЗ без пацярпелых з матэрыяльным уронам, дадзеныя здарэннi зноў жа адбыліся па віне нецвярозых вадзіцеляў.
У мэтах папярэджання дарожна – транспартных здарэнняў, спынення грубых правапарушэнняў з 29 кастрычніка да 1 лістапада гэтага года Дзяржаўтаінспекцыя Мiнскай вобласці праводзіць комплекснае прафілактычнае мерапрыемства «Дарога - месца сустрэчы цвярозых людзей!», накіраванае на папярэджанне і спыненне фактаў кіравання транспартнымі сродкамі нецвярозымі кіроўцамі і парушэнняў ПДР уразлівымі ўдзельнікамі дарожнага руху, у тым ліку знаходзячымiся ў стане ап'янення.
Патруляванне нарадаў міліцыі вызначана ў месцах канцэнтрацыі ДТЗ па віне названых удзельнікаў дарожнага руху. Таксама пад пільнай увагай месцы з аб'ектамі гандлю спіртнымі напоямі, забаўляльныя ўстановы, у першую чаргу працуючыя ў кругласутачным рэжыме. Да парушальнікаў будуць ужыты меры ўздзеяння згодна з заканадаўствам Рэспублікі Беларусь.
Нецвярозы за рулём, роўна як і нецвярозы пешаход - уяўляюць вялікую небяспеку для ўдзельнікаў дарожнага руху і наступствы могуць быць самымі жаласнымі. Таму, паважаныя грамадзяне, не заставайцеся абыякавымі! Калі вы бачыце ці ведаеце, што транспартным сродкам кіруе кіроўца ў стане ап'янення, ці бачыце на праезнай частцы нецвярозага пешахода (веласіпедыста) паведамляйце на тэлефонную лінію 102!
АДАІ Пухавіцкага РАУС