Паводле легенды, яго пашкодзілі падчас земляных работ. Па паказаным адрасе неадкладна высунулася аварыйна-аднаўленчая брыгада, якая зафіксавала факт пашкоджання газаправода, выставіла агароджы па перыметры і прыступіла да перакрыцця кранаў высокага ціску.
У аг. Пухавічы па вуліцы Кастрычніцкай адбылася аварыя. Пашкоджаны вонкавы сталёвы газаправод высокага ціску 2-й катэгорыі. Панікаваць не варта. Гэта вучэнні.
- Мы правяраем гатоўнасць аварыйных служб раёна — адзначыў старшы інжынер сектара арганізацыі і функцыянавання ГСНСiГА Віталь Коваль. – Адтачыць паслядоўнасць дзеянняў да аўтаматызму - вось, асноўная наша задача. Бо заўсёды неабходна быць гатовымі для арганізацыі абароны насельніцтва раёна пры пагрозе і ўзнікненні надзвычайных сітуацый рознага характару.
Згодна з атрыманай на вучэннях уводнай, пры правядзенні земляных работ экскаватарам, адбыўся парыў газаправода. Аварыйная брыгада электрасетак адключыла ад электразабеспячэння газарэгулятарнай шафавы пункт ШРП, а работнікі Пухавіцкага занальнага вузла электрасувязі правялі праверку тэрыторыі на наяўнасць лініі тэлефонных кабеляў, пракладзеных у зямлі. Работнікамі Пухавіцкага раённага газазабеспячэння ПУ «Слуцкгаз» з ліквідацыяй умоўнай аварыяй справіліся: хутка прыбыла аварыйная брыгада, да ліквідацыі парыву былі перакрыты засаўкі газарэгулятарнага шкафнага пункта ШРП, агароджана месца меркаванай аварыі, праверана загазаванасць прылеглай тэрыторыі. Аварыйна-аднаўленчай брыгадай выяўлена месца парыву газаправода і ліквідавана ўцечка аператыўна і своечасова.
Пухавіцкі РАНС
