З розных воінскіх часцей і падраздзяленняў Узброеных Сіл у Мінск прыбылі 60 лепшых салдат і сяржантаў. Гэта тыя, хто неаднаразова паказваў добрыя вынікі баявой падрыхтоўкі. Многія былі на палігонах стратэгічнага беларуска-расійскага вучэння «Захад-2021». І там пацвярджалі, што наша армія здольна супрацьстаяць любым выклікам і пагрозам. З рук міністра абароны лепшыя салдаты атрымалі граматы і каштоўныя падарункі.
У ліку лепшых - ураджэнцы Пухавіцкага раёна Алег Савіцкі і Ягор Кісель. Алег праходзіць службу ў 5-й асобнай брыгадзе спецыяльнага прызначэння ў Мар'інай Горцы, Ягор нясе службу ў вайсковай частцы 01266 у Маладзечанскім раёне. Ганаровымі гасцямі ўрачыстага мерапрыемства сталі іх мамы - Алена Сцяпанаўна і Алена Валянцінаўна.
Кіраўнік ваеннага ведамства павіншаваў прысутных з дасягненнем высокіх вынікаў і падзякаваў жанчынам за выхаванне годных грамадзян нашай Радзімы - Рэспублікі Беларусь.
Алена Свірыдава