Дзіцячы сад пабудаваны па тыпавым праекце, але ў такой казачнай дзіцячай і, разам з тым, вельмі сучаснай дашкольнай установы ў раёне канкурэнтаў пакуль не будзе. Бацькам забраць сваіх дзяцей вечарам дадому будзе, думаю, складана, таму што ў садзе столькі дзіцячых актыўнасцяў, што захапіць можна самага капрызнага і пераборлівага дзіцяці.
Віншуючы пухаўчан з завяршэннем будаўніцтва дзіцячага садка, губернатар вобласці Аляксандр Турчын адзначыў, што развіццё інфраструктуры пасёлка — першачарговая задача. Таму адначасова з будаўніцтвам саду былі вырашаны і некаторыя праблемы добраўпарадкавання прылеглых тэрыторый. А на наступны год запланаваны пачатак будаўніцтва бальнічнага корпуса і рамонт дзеючых сацыяльных аб'ектаў.
Алена ШАНТЫКА
