- Гэты аб'ект патрабуе асаблівай увагі, - тлумачыць начальнік раённай інспекцыі Наталля Калесенка. - Побач з дэндрапаркам знаходзіцца ваеннае пахаванне, дзе ў гады Вялікай Айчыннай вайны нямецка-фашысцкімі захопнікамі былі расстраляны каля трохсот савецкіх грамадзян. Мясцовыя жыхары рэгулярна наведваюць гэта месца і ўскладаюць да помніка кветкі. Сам парк быў закладзены ў 2012 годзе ў гонар 110-годдзя з дня нараджэння выдатнага вучонага-лесавода Івана Юркевіча. У будучыні тут плануем усталяваць малыя архітэктурныя формы: альтанкі, лаўкі, аформіць альпійскія горкі. Алеі, як вы бачыце, высаджваюцца рознымі пародамі дрэў. Сёння, да прыкладу, мясцовая фауна стала багацей на чатыры віды: пасаджаны туя, дуб, хвоя, ядловец. У Рудзенску няшмат месцаў, дзе мясцовыя жыхары могуць праводзіць свой вольны час, а такі парк стане выдатным месцам для адпачынку.
Станіслаў Белавусаў