На падставе падпункта 2.9 пункта 2 артыкула 13 Ляснога кодэкса Рэспублікі Беларусь і пункта 7 спецыфічных патрабаванняў па забеспячэнню пажарнай бяспекі ў лясах, зацверджаных пастановай Савета Міністраў Рэспублікі Беларусь ад 28 кастрычніка 2019 г. № 722, Пухавіцкі раённы выканаўчы камітэт вырашыў:
- Абмежаваць на тэрыторыі ляснога фонду Пухавіцкага раёна на перыяд усталявання III класа пажарнай небяспекі лясоў па ўмовах надвор'я:
уезд транспартных сродкаў, за выключэннем транспартных сродкаў юрыдычных асоб, якія вядуць лясную гаспадарку, i органаў, якія ажыццяўляюць кантроль у адпаведнасці з артыкулам 106 Ляснога кодэкса Рэспублікі Беларусь, а таксама сіл гарантавання нацыянальнай бяспекі, пералічаных у пункце 60 Канцэпцыі нацыянальнай бяспекі Рэспублікі Беларусь, зацверджанай Указам Прэзідэнта Рэспублікі Беларусь ад 9 лістапада 2010 г. № 575; правядзенне работ, не звязаных з вядзеннем лясной гаспадаркі.
- Забараніць на тэрыторыі ляснога фонду Пухавіцкага раёна на перыяд усталявання IV і V класаў пажарнай небяспекі лясоў па ўмовах надвор'я:
знаходжанне грамадзян; уезд транспартных сродкаў, за выключэннем транспартных сродкаў юрыдычных асоб, якія вядуць лясную гаспадарку, i органаў, якія ажыццяўляюць кантроль у адпаведнасці з артыкулам 106 Ляснога кодэкса Рэспублікі Беларусь, а таксама сіл гарантавання нацыянальнай бяспекі, пералічаных у пункце 60 Канцэпцыі нацыянальнай бяспекі Рэспублікі Беларусь; правядзенне работ, не звязаных з вядзеннем лясной гаспадаркі.
- дзяржаўнай лесагаспадарчай установе «Пухавіцкі лясгас» своечасова апавяшчаць грамадзян і юрыдычных асоб праз сродкі масавай інфармацыі аб усталяванні III, IV і V класаў пажарнай небяспекі лясоў па ўмовах надвор'я і адмене дзеяння абмежаванні і забароны, вызначаных пунктамі 1 і 2 гэтага рашэння.
- Кантроль за выкананнем дадзенага рашэння ўскласці на намесніка старшыні Пухавіцкага раённага выканаўчага камітэта па кірунку дзейнасці.
- Сапраўднае рашэнне падлягае абнародаванню (апублікаванню) у раённай газеце «Пухавіцкія навіны».
- Гэта рашэнне ўступае ў сілу пасля яго афіцыйнага апублікавання.
Старшыня В.М. Каляда
Кіраўнік спраў Л.А. Бельская