У спаборніцтве пажарных дружын прынялі ўдзел 8 каманд: ААТ «Завод горнага воску», ААТ «Пухавічынафтапрадукт», ДЛГУ «Пухавіцкі лясгас», філіял «ЦЭЦ-5» РУП «Мінскэнерга», філіял «Торфабрыкетны завод «Сяргеевіцкае» УП «Мінгаз», ЗАТ «Аўгуст-Бел3, ААТ «Рудзенск», ААТ «Пухавіцкі доследна-эксперыментальны завод».
У праграме традыцыйна было пераадоленне 100-метровай паласы з перашкодамі, эстафета 3/100 і баявое разгортванне.
Самым відовішчным і складаным этапам стала баявое разгортванне. У гэтым вiдзе трэба з выкарыстаннем вадзяной помпы на базе паліўнага генератара напампаваць ваду ў шланг з цыстэрны, і, дабегшы да кропкі, збіць напорам вады мяч са стойкі. Удзельнічае адразу ўся каманда. Кожны павінен прафесійна выконваць свае задачы. Гэта з'яўляецца галоўнай умовай для поспеху.
У асабістым першынстве на этапе «Пераадоленне 100-метровай паласы з перашкодамі» 1-е месца заняў Арцём Мелюха з каманды філіяла «ЦЭЦ-5» РУП «Мінскэнерга». 2-е месца дасталася Генадзю Пятроўскаму. Ён таксама прадстаўляў каманду энергетыкаў. 3-е месца заняў Павел Грынь з ААТ «Рудзенск».
Першынство ў агульнакамандных спаборніцтвах заваявала каманда філіяла «ЦЭЦ-5» РУП «Мінскэнерга». 2-е месца-ААТ «Пухавіцкі доследна-эксперыментальны завод» і 3-е — ЗАТ «Аўгуст-Бел».
Члены каманды пераможцаў лічаць, што поспех да іх прыйшоў дзякуючы штодзённай падрыхтоўцы і пастаяннаму адточванню сваіх навыкаў.
Станіслаў Белавусаў.
