Хто нарадзіўся
Навіна аб нараджэнні малога ў верасні прыляцела ў 50 сем'яў раёна. У 16-ці сем'ях дачакаліся першынца. Хлопчыкаў традыцыйна нарадзілася больш - 28 . Адразу пецярых дзяцей назвалі Раманам. Гэта імя, дарэчы, стала карыстаецца папулярнасцю ў пухаўчан. Таксама бацькі выбіралі для сыноў такія імёны, як Аляксандр, Данііл, Ілля і Цімафей (па 2). Рэдкія імёны - Максіміліян-Крыстоф і Мішэль. У адзінкавых выпадках хлапчукоў называлі Маратам, Назараў, Захарам, Васілём, Віктарам.
Сярод 22-х дзяўчынак траіх назвалі Дар'ямі. Двойчы для нованароджаных малых бацькі выбіралі імёны Анастасія і Ганна. У імянной раскладцы зарэгістраваных дзяўчынак ёсць таксама імёны Амелія, Міраслава, Алівія, Віялета і Ева.
Самым маладым бацькам стаў 25-гадовы пухаўчанiн, самым старэйшым - 52-гадовы жыхар раёна. Самай маладой маме - 17 гадоў, самай старэйшай - 42 гады.
За 9 месяцаў на свет з'явілася 236 хлопчыкаў і 193 дзяўчынкі. Памёр 811 чалавек.
Хто ажаніўся
У верасні ў нашым раёне зарэгістраваны 21 шлюб, у тым ліку тры шлюбы з замежнымі грамадзянамі з Расіі і Узбекістана. Сярэдні ўзрост жаніхоў 35 гадоў, нявест - 33. Самым маладым уступiўшым у шлюб споўніўся 21 год. Самому старэйшаму жаніху 59 гадоў, нявесце - 57.
За 9 месяцаў гэтага года ў раёне створана 224 новыя сем'і. Адзін малады чалавек і дзве дзяўчыны на момант рэгістрацыі шлюбу не дасягнулі паўналецця. 173 чалавека ўпершыню прымерылі сукенка нявесты або касцюм жаніха. Паўторна на органы загс прыйшлі 79 жаніхоў і 86 нявест.
Хто развёўся
З пачатку года праз аддзел загс скасавана 43 шлюбы, у верасні - 5. У сярэднім па раёне мужчыны развяліся ў 37 гадоў, жанчыны - у 36. Самымі маладымі сярод вырашыўшых скасаваць шлюб, былі 20-гадовыя хлопец і дзяўчына. Самымі старэйшымі - 74-гадовы мужчына і 71-гадовая жанчына
Цікава, што большасць пар - 22 - развяліся на працягу першых пяці гадоў сямейнага жыцця. Як паказвае статыстыка, у асноўным людзі разводзяцца менавіта ў першую пяцігодку. Праз два гады з дня вяселля шлюб скасавалі 5 пар, праз тры гады - 7 пар, праз 4 гады - 10 пар.
Самым кароткім апынуўся шлюб, які праіснаваў усяго 3 месяцы. Адна пара вырашыла развесціся праз 33 гады сумеснага жыцця.
28 мужчын і 30 жанчын скасавалі першы шлюб. Другая спроба стварыць сям'ю апынулася няўдалай для 14 мужчын і 10 жанчын. Адзін пухаўчанiн развёўся ў пяты раз.