Навучэнцам новага набору ўручылі адразу два квіткі: студэнцкі і прафсаюзны. Шэрагі першаснай прафсаюзнай арганізацыі навучэнцаў папоўніла 204 чалавекі. Іх павіншаваў старшыня першаснай прафсаюзнай арганізацыі ўстановы адукацыі Аляксей Зубенка. Аляксей Валер'евіч - сам выпускнік гэтага каледжа. Ён падзяліўся вопытам работы, распавёў аб сваіх студэнцкіх гадах. Хлопцы цікавіліся, як прафсаюз можа садзейнічаць у вырашэнні бытавых пытанняў і, вядома, дзе навучэнцы могуць праявіць свае таленты. Здольных і творчых маладых людзей сярод першакурснікаў традыцыйна шмат.
