Дэзінфектар РЦГiЭ Алена Бабук праводзіць дэзінфекцыю машыны хуткай дапамогі.
На 28 верасня паводле статыстыкі Міністэрства аховы здароўя ў Рэспубліцы зарэгістравана 77 946 чалавек са станоўчым тэстам на COVID-19. Прырост за суткі склаў 337 новых выпадкаў.
Відавочна, што ідзе рост колькасці хворых, які стаў назірацца ўжо ў канцы жніўня. Зноў функцыянуе на базе Мар'інагорскай ЦРБ інфекцыйны шпіталь, дзе праходзяць лячэнне 94 чалавекі.
Медыкі лічаць, што павелічэнню колькасці хворых спрыяе цэлы шэраг прычын. Гэта выхад з адпачынкаў, падчас якіх, нягледзячы на рэкамендацыі, многія падарожнічалі за межы Беларусі, пачатак вучобы ў навучальных установах, правядзенне вялікай колькасці масавых мерапрыемстваў. І ўсё гэта суправаджаецца, на вялікі жаль, нежаданнем прызнаваць праблему сур'ёзнай і выконваць для прафілактыкі захворвання меры сацыяльнага дыстанцыявання, сачыць за гігіенай рук, насіць маскі.
- Мы не павінны забываць, што ўвесь свет усё яшчэ працягвае жыць ва ўмовах бягучай пандэміі COVID-19. Ці варта казаць аб другой хвалі каранавiруса або ж пакуль толькі аб росце захворвання, адзінага меркавання няма. Але лічбы рэальна становяцца больш. Сёння пад наглядам медработнікаў знаходзіцца каля 300 пухаўчан (захварэўшыя і кантакты 1-га ўзроўню), — кажа галоўны санітарны ўрач раёна Алена Пархімчык. — Таму відавочна, што расслабляцца рана. Нягледзячы на ўсе прынятыя навуковым светам крокі, захворванне не стала менш кантагіёзным і небяспечным. І ўсе супрацьэпідэмічныя мерапрыемствы вельмі важныя, як і меры прафілактыкі, даступныя кожнаму чалавеку.
За час пандэміі, безумоўна, ужо назапашаны пэўны вопыт у барацьбе з хваробай. Медыкі разумеюць, як працякае яна і дзе прасцей за ўсё заразіцца. Перш за ўсё, вядома, гаворка ідзе аб сямейных кантактах: у адной кватэры дыстанцыявацца практычна немагчыма. Затым па статыстыцы найбольш высокія рызыкі ў тых, хто знаходзіцца досыць доўгі час у закрытых памяшканнях: на прадпрыемствах, у офісах, у транспарце.
Менавіта таму кожны кіраўнік сёння павінен праявіць асаблівы клопат аб бяспецы сваіх работнікаў. Пры магчымасці забяспечыць ім сацыяльнае дыстанцыяванне, арганізаваць паўсюдны доступ да антысептыкаў, увесці масачны рэжым.
Не забываем, што маскі, па-першае, абараняюць навакольных ад чалавека, які ўжо інфікаваны і небяспечны, але пакуль і сам можа не ведаць пра гэта, па-другое, маскі выконваюць бар'ерную функцыю (мы не дакранаемся рукамі да твара).
Многія, зрэшты, упэўнены ў тым, што маскі не занадта эфектыўныя, бо заражаюцца ў асноўным пры досыць блізкім кантакце з хворым чалавекам. Значыць, не трэба проста побач стаяць. Але, пагадзіцеся, не ўсюды гэта магчыма. Я як раз часцей бачу адваротнае. І ў краме стаячыя у чарзе за табой за рэдкім выключэннем арыентуюцца на разметку, якую нанеслі практычна паўсюдна для пакутуючых вокамерам і не могуць вызначыць на вока бяспечную дыстанцыю. І ў транспарце ніхто не бачыць «лятучых вірусаў». Праедзьце ў аўтобусе ці маршрутцы! У масках там будзе 2-3 чалавекі, а з прыкметамі прастуды — вызначана больш. Прычым не кожны кашляючы ведае аб прыродзе сваёй прастуды.
- Пагаджуся з тым, што перавозчыкі сёння павінны асабліва пільна ставіцца да забеспячэння бяспекі і выканання мер прафілактыкі,— кажа Алена Пархімчык. - Работнікі цэнтра гігіены з некаторымі арганізацыямі заключылі дагаворы на апрацоўку транспарту дэзінфікуючымi сродкамі. Гэта трэба рабіць. Але будзе правільна таксама выпрацаваць адзіны алгарытм карыстання транспартам для пасажыраў. Да прыкладу, не лішнім будзе настойліва патрабаваць у іх карыстацца маскамі ў аўтобусах або маршрутных таксі. У кіроўцы ёсць гучная сувязь і магчымасць пастаянна аб'яўляць пра гэта. Гэта ж можа рабіць кандуктар падчас продажу квiткоў. З часам, думаю, людзі прыслухаюцца. Але пры гэтым і самі перавозчыкі павінны выконваць меры прафілактыкі, разумеючы, што знаходзяцца пастаянна сярод велізарнай колькасці людзей.
Асаблівыя алгарытмы паводзін павінны выконваць таксама пакупнікі крам, наведвальнікі арганізацый. І пра гэта павінны паклапаціцца кіраўнікі, правёўшы тлумачальную працу ў сваіх калектывах. Свядомасць - гэта тое, што рэальна працуе. А матывацыя для свядомчх паводзін павінна быць адна: пастарацца заставацца здаровым самому і не стаць небяспечным для іншага чалавека.
Алена Іванова.