- Для многіх спартсменаў гэта напэўна стане сюрпрызам — адзначае педагог дадатковай адукацыі ГУДО «Цэнтр турызму дзяцей і моладзі Пухавіцкага раёна» Дзмітрый Ніканораў. - Мы абнавілі стэнд для лажання: замянілі фанеру, змянілі рэльеф. Гэта дазволіць ставіць цікавыя і разнастайныя трасы, адпрацаваць больш тэхнічных элементаў. Падрыхтоўкай да спаборніцтваў займаецца наш цэнтр турызму сумесна з Беларускай федэрацыяй альпінізму.
Традыцыйна добрых вынікаў чакаем ад пухаўчан. У складзе нашай каманды тытулаваныя спартсмены. Самая дасведчаная наша ўдзельніца - 20-гадовая Марыя Вернікоўская - неаднаразовы пераможца і прызёр рэспубліканскіх спаборніцтваў. У добрай форме да старту падышлі 14-гадовыя Павел Астапчык і Максім Гаман. Нягледзячы на ўзрост, хлопцы будуць выступаць нароўні з дарослымі, таму што маюць 2-і дарослы разрад па спартыўным скалалажанні. Па словах трэнера, спаборніцкага вопыту Паўла і Максіма могуць пазайздросціць многія сталыя спартсмены. Каманда пухаўчан выйдзе на старт у складзе дзесяці чалавек.
Кацярына ДАБРЫЦКАЯ.