Чальцы савета ГПАП: Алена Раманоўская, Сяргей Касяк, Наталля Зубчонак, Вольга Жукавец, старшыня Навапольскага сельвыканкама Лілія Брандт.
Бяспека — важны аспект нашага жыцця. І залежыць яна не толькі ад якасці працы праваахоўных органаў, але і ад актыўнай пазіцыі прадстаўнікоў грамадскіх фарміраванняў, якія займаюцца прафілактыкай правапарушэнняў і злачынстваў. На тэрыторыі сельсаветаў такая задача стаіць перад саветамі грамадскіх пунктаў аховы правапарадку (ГПАП), у склад якіх уваходзяць актыўныя грамадзяне.
- У склад савета ГПАП Навапольскага сельсавета ўваходзіць 11 чалавек, у ліку якіх супрацоўнік раённага аддзела ўнутраных спраў, дэпутаты сельскага Савета дэпутатаў, прадстаўнікі размешчаных на тэрыторыі сельсавета працоўных калектываў арганізацый, прадпрыемстваў і ўстаноў, — распавяла старшыня савета ГПАП, старшыня сельвыканкама Лілія Брандт. - Працуе ГПАП у цеснай звязцы з добраахвотнай дружынай, у складзе якой 7 чалавек. Узначальвае яе Мікалай Варапай.
Савет ГПАП у адпаведнасці з дзеючым заканадаўствам у бягучым годзе правёў 12 пасяджэнняў, з якіх 4 прайшлі ў фармаце выязных на базе устаноў, прадпрыемстваў і арганізацый, размешчаных на тэрыторыі Навапольскага сельсавета.
На пасяджэнні савета ГПАП за мінулы перыяд бягучага года заслухалі 43 грамадзяніна, ў дачыненні да якіх праводзіцца персанальная выхаваўча-прафілактычная праца. 15 чалавек, якія знаходзяцца на розных відах прафілактычнага ўліку, наведалі дома. У ліку ўчыненых імі правапарушэнняў лідзіруючыя пазіцыі займаюць злоўжыванне спіртнымі напоямі, ўхіленне ад выхавання непаўналетніх дзяцей, парушэнне правілаў супрацьпажарнай бяспекі, парушэнне санітарных нормаў і правілаў добраўпарадкавання, ухіленне ад працаўладкавання.
Тэрыторыя Навапольскага сельсавета ўключае ў сябе 36 населеных пунктаў, і для паспяховай дзейнасці па ахове грамадскага правапарадку і прафілактыцы правапарушэнняў членамі савета ГПАП і добраахвотнай дружынай праводзіцца сумесная праца са старастамі вёсак.
Члены савета ГПАП лічаць, што нецярпімасць да любой з праяў парушэння закона і пасільная дапамога праваахоўным органам спрыяюць таму, каб свет вакол заставаўся бяспечным.
Сельскі выканаўчы камітэт шануе ўклад, які ўносяць неабыякавыя людзі ў забеспячэнне парадку на тэрыторыі сельсавета: У бягучым годзе за актыўную працу было заахвочана 10 членаў савета ГПАП.
Запісала Наталля Васільева.
