Дзень ведаў - свята значнае і для вучняў, і для педагогаў, і для бацькоў. Таму ва ўстанове адукацыі яго вырашылі адзначыць традыцыйна, запрасіўшы ўсіх на ўрачыстую лінейку. І атрымалася ярка і святочна: шмат кветак, усмешак, цёплыя словы на дарогу.
Валянціна Бяседзіна, Людміла Бельская, Анжэла Шышко, Віктар Коршунаў.
Павіншаваць дружны калектыў школы прыйшлі кіраўнік спраў раённага выканаўчага камітэта Людміла Бельская, старшыня Пухавіцкага сельвыканкама Анжэла Шышко, дырэктар ААТ «Племянны завод «Iндустрыя» Віктар Коршунаў. Госці пажадалі вучням і іх настаўнікам поспехаў у новым навучальным годзе і ўручылі падарункі: ад раённага выканаўчага камітэта школа атрымала мультыборд, ад шэфаў - камп'ютар і прынтар.
Наталля Пархомчык.