Апошнія падзеі, якія адбываюцца ў нашай краіне, у нашым раёне, паказалі, што мы можам страціць разуменне і згоду ў грамадстве!
Наша імкненне да дыялогу з пухаўчанамi - пацвярджэнне неабыякавасці да лёсу горада Мар'іна Горка, Пухавіцкага раёна і яго жыхароў.
Разам з тым, падтрымліваючы неад'емнае права кожнага жыхара раёна на выказванне сваёй грамадзянскай пазіцыі, мы лічым, што яго рэалізацыя павінна праходзіць у цывілізаванай форме ў рамках выканання дзеючага заканадаўства.
Апошнія дні паказалі, што ўдзельнікі пратэстных мерапрыемстваў заклікаюць да забастовак на прадпрыемствах, да абразу, зневажэння, запалохвання і пагроз фізічнай расправай педагогам, кіраўнікам прадпрыемстваў, сем'ям супрацоўнікаў праваахоўных органаў, вайскоўцаў і людзей, якія маюць іншы пункт гледжання.
Мы просім усіх жыхароў нашага раёна:
узважана і канструктыўна падыходзіць да рэалізацыі свайго права на свабоднае выказванне меркавання;
не паддавацца на правакацыі і заклікі да здзяйснення супрацьпраўных дзеянняў і ўчынкаў, здольных нанесці шкоду працоўным правам і законным інтарэсам грамадзян, інтарэсам сваіх працоўных калектываў.
Неабходна памятаць: удзельнічаючы ў несанкцыянаваных масавых мерапрыемствах, грамадзяне парушаюць заканадаўства.
ПАТРАБУЕМ:
няўхільна выконваць Закон «Аб масавых мерапрыемствах у Рэспубліцы Беларусь»;
спыніць аказваць ціск на сем'і пухаўчан, якія выконваюць свой службовы абавязак;
спыніць распаўсюджваць, у тым ліку праз сацыяльныя сеткі і іншыя Інтэрнэт-рэсурсы, ілжывую інфармацыю ў дачыненні да адбываючыхся падзей, якія прыніжаюць гонар і годнасць асобы;
выконваць права жыхароў Пухавіцкага раёна на адпачынак у вячэрні і начны час, на грамадскі парадак, на бяспеку перамяшчэння па вуліцах горада і раёна.
За сабой пакідаем права на прыняцце ўсіх законных мер і метадаў да людзей, якія парушылі або ігнаруюць дадзеныя патрабаванні.
Толькі РАЗАМ мы зможам захаваць мір і спакой.
Выказваем надзею на вашу мудрасць і разважлівасць, дарагія пухаўчане!
Каляда В.М., старшыня Пухавіцкага раённага выканаўчага камітэта
Галубовіч У.І., пракурор Пухавіцкага раёна
Смірноў У.Я., начальнік Пухавіцкага РАУС