У беларускую сталіцу на мітынг прыехалі жыхары з усіх рэгіёнаў Беларусі. Як аб'явілі напярэдадні арганізатары мерапрыемства, яно праходзіць у падтрымку спакою, міру і бяспекі ў Беларусі.
«Хто даражыць усім тым, што мы стварылі за час незалежнасці! Хто выступае супраць развалу краіны! Усе, каму дарага наша светлая і любімая Беларусь! Усё - на мітынг», - заклікалі яны ў суботу.
На плошчы сабраліся прадстаўнікі розных працоўных калектываў і арганізацый. Тут бачны cцягі Міністэрства па надзвычайных сітуацыях, Федэрацыі прафсаюзаў Беларусі, спартыўнага таварыства «Дынама», Камуністычнай партыі Беларусі. Людзі скандуюць: «Беларусь!»
На мітынг таксама прыехалі вышэйшыя службовыя асобы і кіраўнікі дзяржаўных органаў, у тым ліку старшыня Савета Рэспублікі Наталля Качанава і кіраўнік Адміністрацыі Прэзідэнта Ігар Сяргеенка.
Крыніца: БелТА
