Ала Ралькевіч, Тамара Манюхіна, Генадзь Сячко, Алена Шпілеўская, Віктар Каляда, Віктар Цішкевіч, Ірына Кушнер, Аляксандр Канчэнка.
Мінулы тыдзень быў насычаны цікавымі падзеямі. Мы адзначылі 65 гадоў з дня прысваення Мар'інай Горцы статусу горада. Да гэтай даты былі прымеркаваны святочныя мерапрыемствы і, вядома, уручэнне ўзнагарод за працу.
Група работнікаў прадпрыемстваў і арганізацый раёна была ўзнагароджана ганаровымі граматамі і падзякамі раённага выканаўчага камітэта. А на гэтым тыдні старшыня раённага выканаўчага камітэта Віктар Каляда ўручыў пухаўчанам узнагароды Мінскага аблвыканкама.
Ганаровай граматай абласнога выканаўчага камітэта ўзнагароджаны дырэктар ААТ «Пухавіцкі доследна-эксперыментальны завод» Аляксандр Канчэнка, былы дырэктар Мар'інагорскай гімназіі Ала Ралькевіч і намеснік дырэктара ААТ «Пухавіцкі райаграсэрвіс» Віктар Цішкевіч.
Падзякі старшыні аблвыканкама атрымалі намеснік дырэктара ДУ «ТЦСОН Пухавіцкага раёна» Тамара Манюхіна, дырэктар філіяла «Аўтапарк №19 ААТ «Мінаблаўтатранс» Генадзь Сячко, бармэн-афіцыянт ЗАТ «Дукорскі маёнтак» Ірына Кушнер, медыцынская сястра Мар'інагорскай цэнтральнай раённай бальніцы Алена Шпілеўская.
Узнагароды за сваю працу пухаўчане атрымалі ў знамянальны дзень, 28 ліпеня, калі споўнілася 95 гадоў, як Мар'іну Горку абвясцілі адміністрацыйным цэнтрам нашага раёна.
Вольга САВАСЦЮК.