Пачалося свята па-спартыўнаму энергічна: марафон забаў для ўсіх арганізавалі на цэнтральнай плошчы горада каля райвыканкама. Розныя атракцыёны аблюбавалі ўсе: і малыя, і моладзь, і пенсіянеры. На ўсёй Савецкай вуліцы, дзе было проста не праціснуцца, размясціўся велізарны фуд-корт на любы густ, а на Ленінскай зладзілі выставу хэндмэйда. Ткачы, кухары, рамеснікі і кавалі здзіўлялі сваімі працамі.
Людзі з непрыхаваным задавальненнем снавалі туды-сюды і дзяліліся ўражаннямі:
— Ваў! Такога маштабнага свята мы не бачылі даўно — усміхаюцца Вераніка і Кацярына. Дзяўчаты родам з Клецка і Маладзечна, а ў Мар'інай Горцы працуюць у лясгасе. - Горад зручны і камфортны, але ў плане забаў тут мала што ёсць. Чулі, што адкрылі басейн. На выхадных ірванем туды!
Муж і жонка Ігар і Надзея прыйшлі на свята з дачушкамі — Дыянай і Дарынай. Задаволеныя, упісваючы цукровую вату, дзяўчынкі танцавалі пад музыку са сцэны.
- Мы шчаслівыя, што такія святы праводзяцца ў малых гарадах нашай краіны, тым у больш у такі няпросты ў плане пандэміі час, - кажа Надзея. - На самай справе, у нас горад для жыцця. Сем'ям тут камфортна: пастаянна будуюцца жыллё, дзіцячыя сады, школы.
Драйву дадала маштабная музычная праграма: на сцэну ў працягу вечара выходзілі поп-фолк гурт «Лялькі Карпарэйшн», Жанет, Аляксей Хлястоў, гурт ByCity, Ганна Шаркунова, Герман, Вольга Плотнікава і група «Цянi-Талкай». Мар'інагорцы не маглі проста стаяць - цела само пускалася ў скокі.
— Ганарымся, што жывем у такім цудоўным горадзе, — кажуць жыхаркі Мар'інай Горкі — абедзве Святланы. - Мы некаторы час да гэтага жылі і працавалі ў Мiнску, але потым вярнуліся на радзіму. Для жыцця тут ёсць усё!
Завершился праздник красочным фейерверком.
Станіслаў Лабаты
Фота: Павел Арлоўскі
