Кіраўніку дзяржавы даложаць аб арганізацыйна-штатнай структуры і асноўных задачах брыгады, ён азнаёміцца з узорамі ўзбраення, рыштунку і формай адзення падраздзяленняў спецыяльнага прызначэння. Прэзідэнт наведае музей гісторыі і баявой славы брыгады, пасля чаго сустрэнецца з воінскім калектывам.
Падчас рабочай паездкі Аляксандр Лукашэнка таксама плануе наведаць адкрыўisся ў Мар'інай Горцы басейн «Аквамарын» і азнаёміцца з перспектывамі будаўніцтва ў вобласці аб'ектаў сацыяльнай інфраструктуры.
5-я брыгада спецыяльнага прызначэння была сфарміравана ў Мар'інай Горцы 1 студзеня 1963 года. Яе вайскоўцы ў 1985-1988 гадах ваявалі ў Афганістане (для гэтага быў створаны 334-ы асобны атрад спецыяльнага прызначэння) , а ў пачатку 1990-га выконвалі ўрадавае заданне па стабілізацыі становішча ў Армянскай ССР.
У верасні 2002 года Аляксандр Лукашэнка ўручыў 5-й брыгадзе новы баявы сцяг вайсковай часткі наўзамен савецкага і грамату Прэзідэнта Беларусі. З мая 2007 года воінскае фарміраванне ўваходзіць у склад сіл спецыяльных аперацый Узброеных Сіл Беларусі.
Брыгада прызначана для выканання разведвальных і спецыяльных задач як у глыбокім тыле праціўніка, так і на сваёй тэрыторыі. Яна складаецца з кіравання брыгады, пяці атрадаў спецыяльнага прызначэння, у тым ліку двух афіцэрскіх, і падраздзяленняў забеспячэння. На яе ўзбраенні знаходзяцца аўтамабілі павышанай праходнасці «Волат», «Цмок» і стралковая зброя (аўтаматы і кулямёты, снайперскія вінтоўкі і іншае).
Крыніца: БелТА
