«Для таго каб не проста куляцца, а былі сапраўдныя спартсмены, тут ёсць усё», - сказаў Аляксандр Лукашэнка.
Прэзідэнт падкрэсліў, што басейн павінен аказваць не толькі паслугі для насельніцтва, але і рыхтаваць перспектыўных плыўцоў для нацыянальнай каманды, каб у будучыні з іх змаглі зрабіць сапраўдных рэкардсменаў. Пры гэтым ён заўважыў, што ў Мінску ні адзін басейн не з'яўляецца датацыйным.
Губернатар Мінскай вобласці Аляксандр Турчын распавёў кіраўніку дзяржавы аб будаўніцтве ў рэгіёне іншых аб'ектаў сацыяльнай інфраструктуры: школ, паліклінік і бальніц, спартыўных комплексаў. У прыватнасці, будуецца школа ў аграгарадку Занарач Мядзельскага раёна. Аляксандр Турчын разлічвае, што аб'ект будзе ўведзены да 1 верасня і на адкрыццё зможа прыехаць прэзідэнт.
«Калі пабудуеш за гэты тэрмін, то давядзецца прыехаць», - адказаў Аляксандр Лукашэнка.
Крыніца: Белта