Мерапрыемства стартуе ў 17:00. У горадзе абсталююць тры асноўныя пляцоўкі для гледачоў. На першай (вуліца Ленінская) можна азнаёміцца з выставай народнай творчасці «Пухавіцкія дзівосы», а таксама паглядзець ўзоры ваеннай тэхнікі і амуніцыі. На вуліцы Савецкай размесцяць кластар гандлю і пунктаў вулічнага харчавання. У скверы за раённым цэнтрам культуры будзе працаваць дзіцячая гульнявая зона пад тэматычнай назвай «Дзеці павінны смяяцца». Юныя госці свята змогуць пацешыцца на інтэрактыўных пляцоўках, паабедаць у летнім кафэ або пакатацца на поні.
З 21:00 да 23:00 на плошчы перад цэнтрам культуры адбудзецца святочны канцэрт з удзелам зорак беларускай эстрады. Вянчае мерапрыемства маляўнічы салют.
Аляксандр Навахрост
Фота: Павел Шніп