Сёння ў нашым раёне пражывае 41 ветэран.
Старшыня раённага Савета дэпутатаў Аляксандр Прановіч з надыходзячым святам павіншаваў ветэрана Вялікай Айчыннай вайны Івана Андрэевіча Фонава, які ў гады вайны, як і многія падлеткі, працаваў у тыле.
Намесніца старшыні райвыканкама Наталля Чарнышова разам з прадстаўнікамі ваенкамата і раённай арганізацыі ГА «Белая Русь» наведалі працаўніка тылу Міхаіла Аляксандравіча Мацвійца. У 1943 годзе ва ўзросце 14 гадоў Міхаіл Александровіч прыйшоў працаваць на Канскi біяхімічны завод, які выпускаў прадукцыю для фронту. Гэтаму прадпрыемству ён аддаў 42 гады.
Уладзіслава Мікалаевіча Васільева, які ў гады вайны быў удзельнікам абароны Ленінграда, павіншавалі з Днём Незалежнасці навучэнцы Мар'інагорскага аграрна-тэхнічнага каледжа. Яны пажадалі яму моцнага здароўя і ўручылі падарункі.
Анастасія Плятнёва.
