Напярэдадні Дня медыцынскіх работнікаў у Мар'інагорскай цэнтральнай раённай бальніцы адбылося ўрачыстае мерапрыемства. Сёлета сваё прафесійнае свята медыкі адзначаюць у няпростых умовах, звязаных з эпідэміяй каранавіруса. Таму словы падзякі лекарам гучалі па-асабліваму…
Начальнік Галоўнага фінансавага ўпраўлення Мінаблвыканкама Мікалай Кухавец павіншаваў калег са святам і ўручыў ганаровыя граматы і падзякі старшыні Мінаблвыканкама доктару-тэрапеўту прыёмнага аддзялення Мар'інагорскай ЦРБ Алене Брагінай, урачу-рэнтгенолагу, загадчыцы рэнтгенаўскім Кабінетам Святлане Сітнік, урачу агульнай практыкі Мар'інагорскай паліклінікі Ларысе Малюковай, загадчыку Талькаўскай амбулаторыяй Андрэю Сімкіну.
Намесніца старшыні райвыканкама Наталля Чарнышова ўручыла граматы раённага выканаўчага камітэта лекару-дэрматавенеролагу Марыі Яцына, медыцынскаму статыстыку Марыі Фіневіч, медыцынскай сястры неўралагічнага аддзялення Таццяне Данільчык і лекару-хірургу, загадчыку хірургічнага аддзялення Мар'інагорскай ЦРБ Руслану Бярозкіну.
У гэты ж дзень старшыня Мінаблвыканкама Аляксандр Турчын ўручаў ключы ад аўтамабіляў «Джылі» прадстаўнікам устаноў аховы здароўя вобласці. Аўтамабільны парк нашай бальніцы папоўніўся адразу трыма аўтамабілямі.
— Яны будуць выкарыстоўвацца для аказання медыцынскай дапамогі хворым на даму, — сказала галоўны ўрач Мар'інагорскай ЦРБ Людміла Жарынава.
Анастасія Плятнёва.
