Аператар аўтаматычнай лініі Сяргей Купрыянаў.
Для ААТ «Рудзенск» гэта было мэтай апошніх гадоў: стварыць і ўкараніць у вытворчасць сучасныя святлотэхнічныя вырабы на святлодыёдах. І яна дасягнута: ужо год на прадпрыемстве паспяхова працуе ўчастак зборкі нязменных крыніц святла, на якім ужо выпускаюць да 50 найменняў розных вырабаў.
- На гэтым участку вырабляюць платы са змантаванымі на іх пэўнымі элементамі, з якіх затым збіраюць святлодыёдныя ліхтары, — падбіраючы самыя простыя словы для мяне, як для дылетанта, патлумачыў галоўны інжынер ААТ «Рудзенск» Сяргей Сташэвіч і правёў экскурсію, пазнаёміўшы з работнікамі і абсталяваннем.
Кіруе участкам майстар Вікторыя Дземідовіч. І першае, што Сяргей Мікалаевіч разам з ёй мне паказалі, — спецыяльны халадзільнік, у якім захоўваецца паста, выкарыстоўваемая для таго, каб сфармаваць токаправодны ланцуг на плаце. Побач - трафарэтных прынтэр, з дапамогай якога паста наносіцца на друкаваную плату. Наступны ў ланцужку - аўтаматычны ўсталёўшчык камплектуючых вырабаў, назіраць за працай якога аказалася вельмі цікава: «рука» робата з маланкавай хуткасцю здымала маленькія элементы з вялікай колькасці разнастайных стужак, закладзеных у аўтамат, і ўсталёўвала іх на платы ў зададзеным праграмай парадку. Сяргей Мікалаевіч растлумачыў, што праграмнае забеспячэнне - уласнае. Ствараюць яго працуючыя на ўчастку спецыялісты — аператары аўтаматычнай лініі пайкі Сяргей і Аляксей Купрыянавы. Некаторыя платы пасля таго, як на іх былі нанесеныя ўсе элементы, трэба праграмаваць. Гэтай працай займаецца Аляксандр Блашэнка. А далей - усё ў печку, дзе запякаецца паста і адбываецца спайка ўсіх элементаў.
Але і гэта яшчэ не ўсё. Пакуль не ўсе этапы вырабу нязменных крыніц святла можна аўтаматызаваць. Таму ў працэсе задзейнічана і ручная праца: дзесьці трэба драты прылітаваць, нейкія платы ў ланцужок злучыць. Майстар участка Вікторыя Дземідовіч паказала мне элемент цалкам святлодыёднай фары, дзе для таго, каб злучыць 20 плат, трэба злітаваць разам 60 правадкоў. Гэтая, як і іншая падобная праца, пакуль выконваюцца ўручную. Робяць яе на працягу змены пяць мантажнікаў.
Апошняе, на што звярнулі маю ўвагу падчас экскурсіі па цэху, - шафы сухога захоўвання, куды змяшчаюць гатовую прадукцыю. У іх падтрымліваецца мінімальная вільготнасць, што важна для выпускаемай на ўчастку прадукцыі.
Усё абсталяванне, з якім мяне пазнаёмілі, італьянскай вытворчасці. І яго ўжо не хапае, так як растуць аб'ёмы работ. Як распавёў Сяргей Сташэвіч, ужо ёсць планы перавесці ўчастак на двухзменны графік працы. Таксама запланавана закупка дадатковага абсталявання, у тым ліку і лініі, якая дазволіць аўтаматызаваць злучэнне ў ланцужок асобных элементаў.
Звязаны планы па тэхнічнаму аснашчэнню з новымі перспектывамі. Так, прадпрыемства атрымала буйны заказ ад свайго пастаяннага расійскага партнёра - кампаніі ГАЗ на выраб цалкам святлодыёдных фар для новага аўтамабіля Газэль New Next 2020, які толькі павінен сысці з канвеера. Першыя партыі ўжо гатовы. Плануецца асвоіць выпуск новых святлодыёдных фар і для буйных беларускіх вытворцаў аўтамабільнай тэхнікі: Мінскага аўтамабільнага завода, Мінскага трактарнага завода.
Уласную вытворчасць святлодыедаў — для ААТ «Рудзенск» сур'ёзны крок наперад. Гэта вырашае пытанні з імпартазамяшчэннем. І адкрывае перспектывы ў развіцці: прадпрыемству ёсць што прапанаваць Еўрапейскім аўтамабілебудаўнікам.
Наталля Пархомчык.