Начальнік цэха па вытворчасці парафіна Міхаіл Міхайлаў і галоўны інжынер Андрэй Агейчык.
«Прадпрыемства павінна быць лідарам у сваёй вобласці», - гэта адна з мэтаў, пазначаных у стратэгіі развіцця ААТ «Завод горнага воску». Амбіцыйна? Так! Але калі не ставіць амбіцыйных мэтаў, то і сапраўдных вяршыняў у сваёй справе не дасягнуць. А калектыву прадпрыемства гэтыя самыя вяршыні пакараюцца! Варта адзначыць, што больш за 50 адсоткаў гэтага калектыву ва ўзросце да 39 гадоў!
Сёння асноўная функцыя ААТ «Завод горнага воску» ў сістэме нафтахімічнага комплексу Беларусі - вытворчасць прадукцыі малатанажнай хіміі для забеспячэння розных галін прамысловасці ў нашай краіне і за мяжой. І прадпрыемства ў Беларусі займае лідзіруючае становішча ў гэтым кірунку. Завод выпускае шырокі спектр прадукцыі, якая ўжываецца ў самых розных галінах прамысловасці. Гэта мадэльныя склады, прызначаныя для дакладнага ліцця, ахоўныя воскi для выкарыстання ў гумовых сумесях з мэтай абароны гумы ад атмасферных уздзеянняў, парафінавыя эмульсіі, якія прымяняюцца пры вытворчасці сучасных драўняных плітных матэрыялаў, парафіны і воскi... Спіс можна працягваць: астуджальныя вадкасці, алеi, змазкі, без якіх немагчымая эксплуатацыя і захоўванне самых розных прамысловых вырабаў і абсталявання, якія ўжываюцца ў прамысловасці. Асартымент прадукцыі пастаянна карэкціруецца і дапаўняецца новымі відамі. Так, пасля завяршэння маштабнага праекта «Будаўніцтва вытворчасці высокаачышчанага парафіна, алеяў, змазак, СОЖ, мадэльных складаў з рэканструкцыяй энергетычнага комплексу» прадпрыемства выпусціла на рынак воск свячны высокаачышчаны мадыфікаваны.
Дырэктар прадпрыемства Валерый Ясніцкі
Спажыўцамі прадукцыі ААТ «Завод горнага воску» з'яўляюцца і беларускія, і замежныя прадпрыемствы ў такіх краінах, як Расiя, Украіна, Латвія, Літва, Бельгія, Балгарыя, Польшча, Румынія, Сербія, Славенія, Італія, Азербайджан, Казахстан. У гэтым спісе і традыцыйныя краіны-партнёры, і тыя, з кім гандлёвыя адносіны склаліся ў апошнія гады. Дыверсіфікацыя рынкаў збыту - адна з задач, якая для калектыву не губляе сваёй актуальнасці.
ААТ «Завод горнага воску» — экспартаарыентаванае прадпрыемства. Пра гэта сведчыць геаграфія паставак: Расійская Федэрацыя, Украіна, Польшча, Літва, Латвія, Эстонія, Чэхія, Румынія, Малдова, Балгарыя, краіны Балканскага рэгіёну і іншыя. Доля экспарту ў аб'ёме рэалізацыі складае каля 80 працэнтаў.
Паспяховаму прасоўванні прадукцыі на знешнія рынкі спрыяюць многія фактары. Па-першае, гэта высокая якасць выпускаемай прадукцыі і строгае выкананне ўсіх дагаварных абавязацельстваў перад партнёрамі. Немалаважны фактар - прамыя кантакты. Так, летась спецыялісты прадпрыемства прымалі ўдзел у бізнес-сустрэчы з прадстаўнікамі дзелавых колаў Сербіі, якую па выніках візіту Прэзідэнта Рэспублікі Беларусь Аляксандра Лукашэнкі ў брацкую краіну арганізавалі гандлёва-прамысловыя палаты Рэспублікі Беларусь і Сербіі. Акрамя таго, прадукцыя ААТ «Завод горнага воску» была прадстаўлена на выставах, якія праходзілі ў Латвіі, Чэхіі, Балгарыі, Сербіі, Грузіі, Расіі. Замежных гасцей прымалі і на заводзе: тут пабывалі прадстаўнікі кампаніі H&R Group, Trigon Tim d.o. o., ПАО «Лукойл» і ПАО «Газпром нафта».
Стэнд ААТ «Завод горнага воску» на выставе ў Брно
Гэты год унёс карэктывы і ў асабістыя зносіны, і ў выставачную дзейнасць, але любыя абмежаванні прымушаюць шукаць новыя сучасныя шляхі і падыходы, ужываючы камп'ютарныя тэхналогіі.
Нягледзячы на абставіны, прадпрыемства працягвае вырашаць пастаўленыя задачы. Асноўная з іх — стварэнне высокатэхналагічнай і канкурэнтаздольнай вытворчасці. З гэтай мэтай набываецца абсталяванне, адрознае інавацыямі і высокай тэхнічнай якасцю.
Паспяхова рэалізуе калектыў і мэту быць лідэрам у сваёй вобласці. Пра гэта сведчаць аўтарытэтныя ўзнагароды, якіх завод пастаянна ўдастойваецца на працягу апошніх пяці гадоў. Летась ААТ «Завод горнага воску» прызнаны пераможцам XVI Рэспубліканскага прафесійнага конкурсу «Лепшы будаўнічы прадукт года-2019».
У любога поспеху шмат складнікаў. Але ўсё-ткі галоўнае — гэта прафесіяналізм і працавітасць супрацоўнікаў прадпрыемства. У ААТ «Завод горнага воску» працуюць сапраўдныя прафесіяналы. Ім пад сілу вырашаць самыя складаныя задачы.
Наталля Пархомчык.
Фота з сайта ААТ «Завод горнага воску».
