Па словах начальніка аддзела ідэалагічнай работы, культуры і па справах моладзі Алены Адамейкі, першапачаткова адкрыццё комплексу планавалася на пачатак восені.
- Аднак гатоўнасць аб'екта дазваляе ўвесці яго ў строй да 3 ліпеня, - адзначыла Алена Адамейка.
Зараз рабочыя на будаўнічай пляцоўцы працягваюць добраўпарадкаванне тэрыторыі, прылеглых праездаў, а таксама аздабленне інтэр'ераў. Адзначым, што пасля заканчэння будаўніцтва басейн ператворыцца, па сутнасці, у шматфункцыянальны спартыўны комплекс. Плавальная зона будзе падзелена на дзве часткі - вялікую (для купання дарослых) і маленькую, дзе дзеці змогуць навучацца навыкам плавання. Акрамя таго, прадугледжана ўзвядзенне лазневага комплексу, у якім абсталююць фінскую сауну, турэцкі хамам, а таксама невялікую чару для акунання. Да паслуг таксама пакоі адпачынку і распранальні і некалькі залаў. Штодня комплекс змогуць наведваць да 111 чалавек.
Аляксандр Навахрост
Фота: Павел Шніп