Старшыня райвыканкама Віктар Каляда, камандзір в/ч 89417 Дзмітрый Кучук і ваенны камісар Максім Уласаў павіншавалі з надыходзячым Днём Перамогі ветэрана Віктара Шайко.
Віктару Нікіфаровічу ў верасні споўніцца 95 гадоў. Ён з радасцю прымаў віншаванні і вельмі расчуліўся, пачуўшы знаёмыя музычныя матывы ў выкананні ваеннага аркестра.
Віктар Шайко - палкоўнік у адстаўцы. Ён ваяваў на 1-м Украінскім фронце. Вайну скончыў у Польшчы на Сандамірскім плацдарме. Узнагароджаны двума ордэнамі Чырвонай Зоркі, ордэнам Айчыннай вайны I-й ступені, медалямі «За адвагу», «За баявыя заслугі», «За перамогу над Германіяй».
