Вайскоўцы в/ч 89417 выйшлі на рэспубліканскі суботнік самай, мабыць, шматлікай камандай.
Гэта былі вайскоўцы і члены іх сем'яў, грамадзянскі персанал брыгады. Яны наводзілі парадак на тэрыторыі часткі і каля яе, на Алеі Славы, на месцах пахаванняў удзельнікаў і ахвяр вайны, займаліся добраўпарадкаваннем помнікаў.
- Нашы вайскоўцы працавалі не толькі ў Пухавіцкім раёне, - адзначае намеснік камандзіра в/ч 89417 па ідэалагічнай працы Леанід Крокун. - У суседнім Асіповіцкім раёне мы добраўпарадкавалі помнік воінам 214-й паветрана-дэсантнай брыгады, які ўсталяваны ў вёсцы Татарка. Гэтая брыгада фармавалася ў Мар'інай Горцы. Цяперашнія спецназаўцы працягваюць традыцыі папярэднікаў.
Усяго вайскоўцы брыгады навялі парадак на чатырнаццаці помніках. Вялікую працу правялі ў вёсцы Парэчча. Там добраўпарадкавалі помнік мірным жыхарам, якія выратавалі яўрэйскіх дзяцей у час Вялікай Айчыннай вайны, магілы партызан і ўдзельнікаў супраціву.
У дзень рэспубліканскага суботніка на Алеі Славы з'явіліся адразу два новыя аб'екты. Гэта савецкі бронетранспарцёр БТР-60 і тактычны ракетны комплекс «Кропка-У».
Кацярына Вернікоўская.
Савецкі бронетранспарцёр БТР-60
