Валанцёрамі раённай арганізацыі БТЧК ажыццяўляецца дастаўка прадуктаў харчавання, лекаў, тавараў першай неабходнасці адзінокім і самотна пражываючым пажылым людзям, інвалідам, вядзецца пастаянная праца па інфармаванні насельніцтва Пухавіцкага раёна аб мерах засцярогі для абароны ад каранавiруснай інфекцыі, аб працы гарачай лініі ў Цэнтры сацыяльнага абслугоўвання па дастаўцы прадуктаў харчавання, лекаў, тавараў першай неабходнасці адзінокім і самотна пражываючым пажылым людзям, інвалідам.
Сумеснымі намаганнямі гэта дапамога даходзіць да кожнага жывучага ў нястачы.
Раённая арганізацыя БТЧК прадаставіла валанцёрам неабходныя сродкі абароны - пальчаткі, дэзінфікуючыя сродкі, маскі ахоўныя, элементы пазнавальнасці для валанцёраў і супрацоўнікаў БТЧК. З усімі валанцёрамі заключаны пагадненні на ўдзел у статутнай дзейнасці БТЧК па правядзенні шэрагу мерапрыемстваў па рэагаванні на сітуацыю, звязаную з караонавіруснай інфекцыяй, праведзены мэтавы інструктаж па прафілактыцы распаўсюджвання каранавіруса.
В. а. старшыні раённай арганізацыі БТЧК Каланцова Тамара Сяргееўна разам з валанцёрам цэнтра - інспектарам Дудорга Надзеяй Сяргееўнай наведалі інваліда 2 групы Арцукевіч Надзею Іванаўну, прынеслі прадукты харчавання, лекавыя прэпараты, пацікавіліся яе самаадчуваннем, і, вядома ж, правялі гутарку аб неабходнасці выконваць санітарна-гігіенічныя нормы ў ў перыяд распаўсюджвання віруснай інфекцыі. Надзея Сяргееўна распавяла аб працы тэлефона гарачай лініі ў цэнтры, куды можна звярнуцца для замовы дастаўкі прадуктаў харчавання, лекаў, прадметаў першай неабходнасці. Надзея Іванаўна была ўдзячна за аказаную дапамогу і ўвагу.