На Міншчыне праходзіць акцыя «Слава табе, ветэран», прымеркаваная да 75-годдзя Перамогі савецкага народа ў Вялікай Айчыннай вайне. У яе рамках, у тым ліку і ў нашым раёне, стартавала яшчэ адна акцыя - «Нізкі паклон вам, баявыя сяброўкі». Пры падтрымцы ТАА ГД «Ждановічы» для ветэранаў Вялікай Айчыннай вайны падрыхтаваны прадуктовыя наборы.
- У нашым раёне пражывае 20 жанчын-ветэранаў Вялікай Айчыннай вайны, - паведаміў дырэктар дзяржаўнай установы «Тэрытарыяльны цэнтр сацыяльнага абслугоўвання насельніцтва» Дзяніс Матусевіч. - Сярод іх удзельніца вайны Лізавета Санько, працаўніцы тылу Ніна Елізарава, Зінаіда Заламай, Пелагея Кажэўнікава, Раіса Сучкова, Марыя Рабчанка. Ім спецыялісты ТЦСАН ўручылі прадуктовыя наборы, а таксама ахоўныя аднаразовыя маскі, пальчаткі. Яны нагадалі ветэранам пра меры бяспекі ў сувязі з няпростым эпідэміялагічным становішчам, пажадалі моцнага здароўя і доўгіх гадоў жыцця. Гэтую акцыю падтрымалі і ў пассельвыканкамах, дзе таксама павіншавалі жанчын-ветэранаў з надыходзячым святам.
Анастасія Плятнёва.
