За апошні час на тэрыторыі лясфонда ДЛГУ «Пухавіцкі лясгас» адбыліся ўзгаранні ў Вецярэвіцкім і Пухавіцкім лясніцтвах: паблізу вёскі Крывая Града агонь ахапіў сухую расліннасць на плошчы каля 11,4 гектара, і ў раёне вёскі Чырвоны Кастрычнік лясны пажар распаўсюдзіўся на плошчы 8,4 гектара.
Папярэджваем грамадзян, што за парушэнне забароны на наведванне лясоў у пажаранебяспечны перыяд яны нясуць адміністрацыйную, а ў асаблівых выпадках і крымінальную адказнасць. У адпаведнасці з артыкулам 15.29 Кодэкса аб адміністрацыйных правапарушэннях Рэспублікі Беларусь на парушальніка можа быць накладзены штраф у памеры да дваццаці пяці базавых велічынь.
Нагадваем таксама пра недапушчальнасць распальвання вогнішчаў у забароненых месцах і спальванні сухой травы на прысядзібных участках і на палях.
Адміністрацыя ДЛГУ «Пухавіцкі лясгас».
