Сярод тых, хто атрымаў першы важны дакумент, былі спартсмены, выдатнікі вучобы, актывісты і валанцёры. Віктар Каляда, віншуючы хлопцаў, пажадаў ім быць мэтанакіраванымі, рэалізаваць усе задуманыя планы і быць годнымі грамадзянамі нашай краіны.
Стала добрай традыцыяй уручаць ва ўрачыстай абстаноўцы і білеты ГА «Беларускі рэспубліканскі саюз моладзі» самым актыўным хлопцам. З павучальным словам да юных пераемнікаў лепшых традыцый камсамола звярнулася старшыня раённай арганізацыі ветэранаў Ганна Сабалеўская. Разам з выконваючым абавязкі першага сакратара раённай арганізацыі ГА «БРСМ» Аленай Мазанік яны ўручылі маладзёжныя білеты адзінаццаці дзецям.
Пасля ўрачыстай часткі для навучэнцаў была арганізавана інтэрактыўна-забаўляльная праграма ў антыкафе.
Кацярына ДАБРЫЦКАЯ.
