Так 12 сакавіка 2020 года ў Пухавіцкім раённым Цэнтры культуры прайшлі тактыка-спецыяльныя вучэнні, у якіх прыняў удзел першы намеснік начальніка Мінскага абласнога ўпраўлення Міністэрства па надзвычайных сітуацыях Рэспублікі Беларусь Уладзімір Янчык.
Паводле тактычнай задумы вучэнняў у выніку кароткага замыкання праводкі адбываецца ўзгаранне на сцэне глядзельнай залы. Дзяжурны персанал выяўляе пажар у выніку ўзгарання 1 чалавек атрымаў атручэнне прадуктамі гарэння.
З усімі пастаўленымі задачамі ўдзельнікі вучэння паспяхова справіліся: НС аператыўна ліквідаваная, аказана дапамога пацярпелым, эвакуіраваны людзі з месца ўзнікнення пажару. Па выніках была зроблена выснова, што супрацоўнікі Пухавіцкага раённага цэнтра культуры і падраздзяленні Пухавіцкага РАНС гатовы да ліквідацыі магчымых надзвычайных сітуацый на тэрыторыі аб'екта.
Пасля адпрацоўкі надзвычайнай сітуацыі з усімі работнікамі раённага аддзела па НС была праведзена прафілактычная гутарка.
