Каб распрацаваць эфектыўныя мадэлі, у Мінаблвыканкаме прайшла нарада з удзелам старшыняў райгарвыканкамаў. На прыкладзе Пухавіцкага раёна разгледзелі праграму развіцця гэтага рэгіёну, каб атрымаць дакладнае бачанне, як можа развівацца аграпрамысловы комплекс.
- Мы павінны бачыць дыягностыку сельгаспрадпрыемстваў – пазначыў задачы Аляксандр Турчын. - Возьмем тры ўмоўныя кошыкі. У зялёным - прадпрыемствы паспяхова працуючыя, у жоўтым - устойліва працуючыя, але для далейшай эфектыўнасці іх неабходна падтрымаць, а ў чырвоным тыя - якія патрабуюць асаблівай увагі з мэтай вызначэння далейшых шляхоў іх існавання. У будучую пяцігодку неабходна разабрацца з прадпрыемствамі, якія знаходзяцца ў чырвонай зоне.
У Пухавіцкім раёне, да прыкладу, 4 такіх прадпрыемства, гэта 25 працэнтаў ад агульнай колькасці. Як адзначыў кіраўнік вобласці, ёсць розныя механізмы і метады працы. Яны былі пазначаныя ў час нарады. Рэалізуючы іх, як адзначыў Аляксандр Турчын, неабходна прадумаць, якімі будуць аб'ёмы нарошчвання, рынкі збыту і г. д.
Падчас нарады разгледзелі шляхі развіцця канкрэтных прадпрыемстваў.
Праграма сацыяльна-эканамічнага развіцця Пухавіцкага раёна на 2021-2015 гады прадугледжвае павелічэнне выкарыстання наяўнага патэнцыялу ўсіх галін народна-гаспадарчага комплексу раёна, а таксама эфектыўнае выкарыстанне канкурэнтнай перавагі - развіццё горада-спадарожніка Рудзенска.
Асноўнай мэтай развіцця праграмы стала стварэнне асновы ўстойлівага росту эканомікі, умоў для росту даходаў насельніцтва і забеспячэння камфортнага жыцця ў рэгіёне за кошт мадэрнізацыі і больш эфектыўнага выкарыстання прамысловага, аграрнага, турыстычнага і прыродна-рэсурснага патэнцыялу. Уся праца нацэлена на фарміраванне эфектыўнага аграпрамысловага комплексу з дапамогай аптымізацыі вытворчых плошчаў і тэхналагічнай мадэрнізацыі з мэтай зніжэння выдаткаў і павелічэння аб'ёмаў вытворчасці, а таксама праца накіравана на фарміраванне інвестыцыйных пляцовак, аснашчаных неабходнай інфраструктурай і прыцягненне інвестараў на гэтыя сфармаваныя пляцоўкі. Вялікая ўвага надаецца замацаванню спецыялістаў, моладзі ў сельскай мясцовасці за кошт будаўніцтва жылля, у тым ліку будаўніцтва горада-спадарожніка.
Крыніца Таццяна Карпік