- Створаны выдатныя ўмовы для рэгулярных заняткаў асабістага складу РАУС па агнявой падрыхтоўцы — адзначыў начальнік Мінскага УУС Аляксандр Кавальчук. Ён рэкамендаваў усім кіраўнікам раённых аддзелаў міліцыі прапрацаваць пытанне аб стварэнні падобных сучасных трэніровачных аб'ектаў у сваіх раёнах.
Памяшканне ціра мае выдатную гукаізаляцыю, спецыяльнае асвятленне. Вентыляцыйная сістэма хутка ліквідуе парахавыя газы. У кабінках для стралкоў устаноўлены маніторы, якія дазваляюць бачыць вынік траплення ў мішэнь пасля кожнага стрэлу.
- Мы ўдзячны за дапамогу ў будаўніцтве такога сучаснага і неабходнага для павышэння прафесійных навыкаў супрацоўнікаў міліцыі трэніровачнага аб'екта кіраўнікам УП «Жылцепласэрвіс» КХ, УП «Прамтэхсэрвіс», ААТ «Машхарчпрад», «Пухавіцкі АЭЗ», ТП ТАА «Пухавічыгандль», УП «Зорка поспеху», — кажа начальнік Пухавіцкага РАУС Павел Кастрыцкі. - Асабліва хачу адзначыць, што карыстацца гэтым цірам могуць не толькі супрацоўнікі міліцыі. Ён будзе прадастаўляцца для трэніровак і іншым службам, на ўзбраенні якіх маецца табельная зброя.
Па просьбе старшыні раённага выканаўчага камітэта гэты цір будзе даступным і для навучэнцаў навучальных устаноў раёна для навучання іх навыкам стральбы з пнеўматычнай і наразной зброі, а таксама для правядзення спаборніцтваў.
Андрэй Георгіеў.