На калегіі галоўнага ўпраўлення ідэалагічнай работы, культуры і па справах моладзі Мінскага аблвыканкама былі разгледжаны вынікі працы за мінулы год.
З дакладам выступіў начальнік упраўлення Аляксандр Ільясевіч. Ён адзначыў, што мінулы год для нашай краіны і сталічнай вобласці адзначаны шматлікімі знакавымі падзеямі. Работа ідэалагічнай вертыкалі Міншчыны была накіравана на прыцягненне насельніцтва да актыўнай сацыяльна-эканамічнай дзейнасці з улікам асноўных дзяржаўных мерапрыемстваў. Былі пазначаны прыярытэтныя напрамкі работы на бягучы год
У калегіі прынялі ўдзел намеснік начальніка ўпраўлення ідэалогіі і інфармацыйнай палітыкі галоўнага ідэалагічнага ўпраўлення Адміністрацыі Прэзідэнта Рэспублікі Беларусь Аляксандр Ліпніцкі, міністр інфармацыі Рэспублікі Беларусь Аляксандр Карлюкевіч, намеснік старшыні Мінскага аблвыканкама Іван Маркевіч.
У сваіх выступах яны казалі аб актывізацыі работы з людзьмі, аб сумеснай рабоце ідэалагічных работнікаў і сродкаў масавай інфармацыі ў пытаннях аб'ектыўнага асвятлення жыцця краіны, аб значнасці работы інфармацыйна-прапагандысцкіх груп.
Вопытам работы з калегамі падзяліліся прадстаўнікі рэгіёнаў.
Па выніках працы за 2019 год былі ўзнагароджаны работнікі ідэалагічнай вертыкалі, устаноў культуры, супрацоўнікі сродкаў масавай інфармацыі.
Вольга САВАСЦЮК.
