Работу грамадскіх пунктаў аховы правапарадку (АПАП) у ходзе семінара-нарады, які праходзіў у Мар'інай Горцы, абмеркавалі работнікі сельвыканкамаў і супрацоўнікі праваахоўных органаў.
Напярэдадні гэтага мерапрыемства рэйдавая група, у якую ўвайшлі прадстаўнікі раённага выканаўчага камітэта і раённага аддзела ўнутраных спраў, правяла маніторынг працы АПАП. Усе выяўленыя станоўчыя бакі і недахопы былі агучаны на семінары.
Вялікую ўвагу падчас мерапрыемства надалі абмеркаванню таго, як вырашыць праблемы, якія ўзнікаюць. Начальнік раённага аддзела ўнутраных спраў Павел Кастрыцкі адзначыў, што наш раён знаходзіцца ў ліку лідараў у вобласці па колькасці правапарушэнняў. І ад гэтага сумніўнага лідэрства трэба сыходзіць. Адзін з спосабаў — павысіць якасць праводзімай саветамі АПАП прафілактычнай працы. Кіраўнік спраў Свіслацкага сельсавета Валянціна Комлік заўважыла, што якасць прафілактычных гутарак з пэўнымі катэгорыямі грамадзян шмат у чым залежыць ад паўнаты інфармацыі, якая паступае з РАУС.
У сваю чаргу, намесніца старшыні райвыканкама Наталля Чарнышова падкрэсліла, што дапамога людзям, якія апынуліся ў складанай жыццёвай сітуацыі, уваходзіць у задачу розных служб. І станоўчы вынік у гэтай працы шмат у чым залежыць ад іх эфектыўнага супрацоўніцтва. Таму радам АПАП неабходна наладжваць больш цеснае ўзаемадзеянне з усімі арганізацыямі, закліканымі вырашаць праблемы людзей.
Гэтую думку пацвердзіў і пракурор Пухавіцкага раёна Віталь Галубовіч, які браў удзел у семінары-нарадзе. Ён паведаміў, што работнікі пракуратуры раёна будуць прымаць удзел у пасяджэннях саветаў АПАП, каб аказаць ім практычную дапамогу.
У цяперашні час у раёне працуюць 15 грамадскіх пунктаў аховы правапарадку. У найбліжэйшы час іх колькасць узрасце: плануецца стварыць новыя пункты ў Мар'інай Горцы і Дрычыне.
Наталля Пархомчык.
