Міністр абароны Віктар Хрэнiн ўручыў узнагароду рэдактару інтэрнэт-рэсурса Кацярыне Вернікоўскай.
Падведзены вынікі творчага конкурсу на лепшае асвятленне ў сродках масавай інфармацыі пытанняў будаўніцтва і развіцця Узброеных Сіл, патрыятычнага выхавання насельніцтва Рэспублікі Беларусь.
У гэтым годзе на конкурс было пададзена 130 заявак ад СМІ краіны. Пераможцы вызначаны ў 26 намінацыях, якія ахопліваюць увесь спектр інфармацыйнай дзейнасці ў рэспубліцы, усе жанры, формы і спосабы асвятлення ваенна-патрыятычнай тэматыкі. Узнагароджанне праходзіла ў Цэнтральным Доме афіцэраў у Мінску.
Сярод пераможцаў у намінацыі «Прафесіяналізм і журналісцкае майстэрства» дыпломам II ступені адзначаны творчы калектыў рэдакцыі газеты «Пухавіцкiя навіны». Узнагароду з рук міністра абароны Рэспублікі Беларусь Віктара Хрэніна атрымала рэдактар інтэрнэт-рэсурса Кацярына Вернікоўская.
Калектыў нашай газеты пастаянна ўдзельнічае ў гэтым творчым конкурсе і становіцца яго лаўрэатам. За цеснае і плённае супрацоўніцтва мы дзякуем камандаванню і ўсім ваеннаслужачым в/ч 89417.
Фота Алега Некала, Ваяр.
