Намесніца старшыні райвыканкама Наталля Чарнышова, якая глядзела конкурс у глядзельнай зале, адзначыла, што Віялета годна прэзентавала наш раён. Наталля Анатольеўна пажадала дзяўчыне і далей ісці за сваёй марай і заўсёды ісці да запаветнай мэты.
А мэта ва ўладальніцы кароны «Міс Мар'іна Горка» — конкурс прыгажосці «Міс Беларусь. Спачатку прыгажунь чакае абласны кастынг, які пройдзе 9 лютага ў Барысаве. Тытул другой ыіцэ-міс Міншчыны даў Віялеце пропуск адразу на рэспубліканскі этап (ён адбудзецца ў сакавіку).
Але я ўсё роўна прыеду на абласны кастынг. Там збярэцца прафесійнае журы. Хочацца пачуць іх парады. Упэўнена, яны дапамогуць мне стаць лепш, - кажа Віялета. - Мне вельмі падабаецца сфера прыгажосці. Калісці я думала пра мадэльным бізнэсе, але харэаграфія займае галоўнае месца ў жыцці.
Віялета Герасімчук працуе харэографам у Дружненскiм СДК. Яна малады спецыяліст. У наш раён прыехала па размеркаванні пасля заканчэння гімназіі-каледжа мастацтваў у родным горадзе Бабруйску. Дзяўчына выступае з шасці гадоў, сцэну называе сваім домам.
- Дэфіле - гэта заўсёды мой любімы этап конкурсу. Як і іншыя дзяўчыны, крыху хвалявалася перад інтэлектуальным конкурсам, — успамінае сваё выступленне субяседніца. — У Барысаве арганізавалі маштабнае шоў. Выступаць было складаней, чым на раённым конкурсе, але з хваляваннем справілася. Мяне ў зале падтрымлівалі калегі. Гэта вельмі дапамагала.
Вобраз Віялеты быў адным з самых яркіх. Макіяж яна нанесла сама, прычоску дапамаглі зрабіць дзяўчыны-калегі па калектыве. А вячэрняя сукенка - заслуга дырэктара Дружненскага дома культуры Людмілы Саланец. Людміла Міхайлаўна сама пашыла яе ўсяго за адзін вечар.
На абласны кастынг у Барысаў разам з Віялета паедуць і іншыя пухаўчанкі. Мы жадаем усім дзяўчатам поспеху і чакаем ад іх добрых навін.
Кацярына Вернiкоўская.