«Конкурс пройдзе ў два этапы па тры туры: раённы (гарадскі), абласны і рэспубліканскі. Першы этап стартуе 27 студзеня і прадоўжыцца па красавік. Ён будзе прысвечаны 75-й гадавіне Перамогі савецкага народа ў Вялікай Айчыннай вайне. Другі этап прымеркаваны да Года малой радзімы.
Прадставіць свае працы на конкурс БРСМ запрашае моладзь. Удзельнічаць можна як індывідуальна, так і ў складзе творчай групы не больш за 10 чалавек. Трэба накіраваць арганізатарам электронную заяўку на ўдзел, а таксама буктрэйлер, загружаны на любы файлаабменны сэрвіс (Google Дыск, Яндэкс.Дыск) у выглядзе актыўнай спасылкі для запампоўкі. Буктрэйлеры павінны быць створаны на аснове кніг аб Вялікай Айчыннай вайне, а таксама твораў сучасных беларускіх аўтараў. Падрыхтоўка буктрэйлераў - сур'ёзны творчы працэс. Трэба выбраць мастацкую кнігу, пасля чытання - напісаць сцэнар для буктрэйлера і падабраць матэрыял для відэашэрагу. Можна выкарыстоўваць гатовае відэа, графіку (ілюстрацыі, тэкст), таксама неабходна аудыасуправаджэнне. У гатовым відэароліку трэба пазначыць прозвішча аўтара і назву кнігі.
Самае галоўнае патрабаванне да буктрэйлера - гэта павінен быць кароткі фільм або анімацыя працягласцю не больш 1,5 хвіліны. Вітаецца выкарыстанне вершаў, прозы, фрагментаў з фільмаў, знятых па матывах адпаведнай кнігі, анімацыйных эфектаў. Пры гэтым ўдзельнік павінен прадставіць аўтарскую працу.
Узнагароджанне пераможцаў першага этапу конкурсу адбудзецца ў красавіку, а другога - ў жніўні.