Прайшоў ён традыцыйна ля мемарыяла загінуўшым воінам-інтэрнацыяналістам 334-га атрада спецыяльнага прызначэння. Трохразовым «клянемся» вайскоўцы выказалі гатоўнасць шанаваць традыцыі мінулых пакаленняў. Заўсёды быць вернымі клятве разведчыка і Айчыне. Да гэтага заклікаў асабісты склад зноў прыбыўшага папаўнення начальнік штаба палкоўнік Дзмітрый Варашылаў. Камандзіры ўручылі салдатам пасведчаннi аб прысвячэнні ў разведчыкі. З іх у хлопцаў пачынаецца нялёгкі шлях навучанне вайсковай спецыяльнасці разведчык».
Сведчанні атрымалі і пухаўцы Віталь Нікіцін і Дзяніс Бабук. Яны засталіся служыць у адной роце. Пасада Віталя разведчык-мінёр, Дзяніса старэйшы разведчык. У адсутнасць камандзіра аддзялення Дзяніс будзе камандаваць групай.
Мы займаемся агнявой, паветрана-дэсантнай і тактычнай падрыхтоўкай. Для нас усё ў навінку, і ад гэтага нават цікавей. Стараемся ўсё вучыць і запамінаць, бо атрыманыя веды спатрэбяцца нам на практыцы, кажуць хлопцы. Наперадзе 16 месяцаў службы, якія для нас стануць той самай сцежкай разведчыка». Упэўненыя, з усімі выпрабаваннямі мы справімся годна.
Кацярына ДАБРЫЦКАЯ.