У рамках рэспубліканскай акцыі «Нашы дзеці» ўстанову адукацыі наведаў кіраўнік спраў Прэзідэнта Рэспублікі Беларусь Віктар Шэйман.
Прыязджаць у Рудзенскую школу перад Новым годам для Віктара Уладзіміравіча стала добрай традыцыяй. Чатыры гады таму ведамства, якое ён узначальвае, ўзяло шэфства над школай.
- За гэтыя гады створаны ўтульныя навучальныя класы, памяшканні для адпачынку, адрамантаваны басейн. У гэтым годзе створана свая падсобная гаспадарка. Хлопцы з'ездзілі ў Белавежскую пушчу, Нарачанскі і Бярэзінскі запаведнікі. Школьнікі пабывалі за мяжой — пагрэлiся на сонца і ўбачылі мора. Цяпер 29 дзяцей знаходзяцца на адпачынку ў Італіі, - распавёў Віктар Шэйман.
Сёння ў школе жывуць 128 выхаванцаў з асаблівасцямі псіхафізічнага развіцця, сярод іх 16 дашкалят. Мінулы год для хлопцаў быў паспяховым. Яны дасягнулі высокіх вынікаў у вучобе, прывезлі ўзнагароды са спецыялізаваных алімпіяд.
Віктар Уладзіміравіч павіншаваў хлопчыкаў і дзяўчынак з святамі і пажадаў, каб новы год быў яшчэ лепш папярэдняга. Усе выхаванцы атрымалі падарункі - цёплыя курткі і цукеркі.
У гэты пераднавагодні дзень гасцямі ўстановы таксама былі дырэктар Дэпартамента па гуманітарнай дзейнасці Упраўлення справамі прэзідэнта Валерый Скакун, старшыня Пухавіцкага райвыканкама Віктар Каляда, яго намеснік Наталля Чарнышова.
Кацярына Вернікоўская.